تازہ ترین
امریکی سینیٹرز نے امارات کو ہتھیاروں کی فروخت کی مخالفت کردی
  20  ‬‮نومبر‬‮  2020     |     ہتھیار
امریکی صدر کی متحدہ عرب امارات کو 23 ارب ڈالر سے زائد مالیت کے ہتھیاروں کی فروخت کی کوششوں میں رکاوٹ پیدا ہوگئی ہیں اور تین امریکی سینیٹرز نے امارات کو ہتھیاروں کی فروخت کی مخالفت کردی ہے۔ ایک معاہدے کے تحت متحدہ عرب امارات کو ایف 35 لڑاکا طیارے، ڈرونز، فضا سے فضا تک مار کرنے والے میزائل سمیت دیگر ہتھیار فروخت کئے جانے ہیں۔ڈیموکریٹک سینیٹر بوب میننڈیز، کرس مرفی اور ری پبلکن سینیٹر رینڈ پاول نے کہا ہے کہ وہ امریکی صدر کی امارات کو 23 ارب ڈالر سے زائد مالیت کے ہتھیاروں کی فروخت روکنے کیلئے قانونی سازی کریں گے۔ امریکی سینیٹ کی خارجہ تعلقات کی کمیٹی اور ایوان نمائندگان کی خارجہ امور کی کمیٹی کو ہتھیاروں کی فروخت کا جائزہ لینے اور اسے روکنے کا اختیار حاصل ہے۔امریکی سینیٹرز کو خدشہ ہے کہ اتنے بڑے پیمانے پر ہتھیاروں کی فروخت سے مشرق وسطیٰ میں طاقت کا توازن بگڑ سکتا ہے۔اس ڈیل کے بارے ميں وزير خارجہ مائيک پومپيو نے گزشتہ ہفتے ہی کانگريس کے ارکان کو مطلع کيا تھا۔


رابطہ کریں
   
(92) 51 2873311-12
   
تمام اشاعت کے جملہ حقوق بحق ادارہ دفاع ٹائمز محفوظ ہیں۔
تمام اشاعت کے جملہ حقوق بحق ادارہ دفاع ٹائمز محفوظ ہیں۔