تازہ ترین
میزائل کے پرزوں سے بھری کشتی کو روکنے کا امریکی دعوی من گھڑت ہے،یمنی حوثی
  9  دسمبر‬‮  2019     |     بین الاقوامی دفاع
یمن کی اعلی سیاسی کونسل کے رکن نے میزائل کے پرزوں سے بھری کشتی کو روکنے کے امریکی دعوے کو من گھڑت قراردیا ہے۔ غیرملکی خبررساں ادارے کے مطابق یمن کی اعلی سیاسی کونسل کے رکن محمد علی الحوثی نے میزائل کے پرزوں سے بھری کشتی کو روکنے کے امریکی دعوے کو من گھڑت قرار دیتے ہوئے کہاکہ یہ کیسے ممکن ہے کہ جہاں یمن کی بحری بری اور فضائی حدود حملہ آور ممالک کے قبضے میں ہوں اور یمن پرحملہ آور ممالک حتی تیل، دواؤں اور غذائی مواد والی کشتیوں کو داخل نہیں ہونے دیں ایسے میں کیسے میزائل کے پرزوں سے بھری کشتی اس ملک میں داخل ہو سکتی ہے۔ انہوں نے کہا کہ کہ یمنی فوج اور قبائل اپنے ڈرون اور میزائلوں کے ذریعہ سعودی عرب پر مہلک ضربیں لگانے کی صلاحیت رکھتے ہیں۔انصار اللہ کے رکن نے امریکہ کی طرف سے سعودی عرب کو دیئے جانے والے مہلک ہتھیاروں کی طرف اشارہ کرتے ہوئے کہا کہ سعودی عرب امریکی اور اسرائیلی ہتھیاروں کے ذریعہ یمن کے نہتے عربوں کا قتل عام کررہا ہے۔محمد علی الحوثی نے سعودی عرب اور متحدہ عرب امارات کو خبردار کرتے ہوئے کہا کہ فوری طور پر یمن پر اپنے حملوں کو روک دیں۔