تازہ ترین
وزیراعظم پاکستان عمران خان کی جانب سے کرتاپور راہداری کھولنے کے اقدام کو پوری دنیا میں زبردست پذیرائی حاصل‘ اقوام متحدہ اور امریکہ کا خیر م
  11  ‬‮نومبر‬‮  2019     |     پاک دفاع
وزیراعظم پاکستان عمران خان کی جانب سے کرتاپور راہداری کھولنے کے اقدام کے پوری دنیا میں زبردست پذیرائی ملی ہے اقوام متحدہ اور امریکہ نے اس فیصلے کا خیر مقدم کیا ہے۔ ہفتہ کو امریکی محکمہ خارجہ کے ترجمان نے کہا ہے کہ راہداری کھولنے پر پاکستان کی قیادت کو مبارکباد پیش کرتے ہیں۔ انہوں نے کہا کہ راہدری کھولنا 2 ہمسایہ ممالک کے درمیان ایک مثبت پیش رفت ہے‘ اس اقدام سے بھارتی سکھ یاتری مذہبی رسومات کی ادائیگی کیلئے دربار صاحب جا سکیں گے۔ انہوں نے کہا کہ کرتار پورا راہداری کھولنا مذہبی آزادی کے فروغ کیلئے اہم اقدام ہے۔ دوسری جانب اقوام متحدہ کے سیکرٹری جنرل انتونیو گیٹرس نے کرتار پور راہداری کے افتتاح کا خیرمقدم کرتے ہوئے کہا ہے کہ اس سے بین المذاہب ہم آہنگی کو فروغ ملے گا اور دونوں ممالک کے لوگوں کے درمیان اعتماد بڑھے گا۔ کرتارپور راہداری سے ہندوستانی سکھوں کو بغیر کسی ویزا کے اپنے مذہب کے مقدس ترین مقام پر جانے کا موقع ملا ہے۔ یہ راہداری پاکستان میں گوردوارہ دربار صاحب سکھ مذہب کے بانی گرو نانک دیو کی آخری آرام گاہ ہے سے بھارت کے گورداسپور میں واقع ڈیرہ بابا نانک کے مزار سے منسلک ہے۔ ہفتہ کو وزیر اعظم عمران خان نے باضابطہ طور پر پروقار تقریب میں کرتارپور راہداری کا افتتاح کیا ہے۔ اپنے ایک ٹویٹ میں اقوام متحدہ کے سیکرٹری جنرل نے کہا کہ یہ راہداری جو دو اہم یاتری مقامات کو ملاتی ہے دونوں ہمسایہ ممالک کے مابین روابط اور ہم آہنگی کی راہ ہموار کرے گی۔


رابطہ کریں
   
(92) 51 2873311-12
   
تمام اشاعت کے جملہ حقوق بحق ادارہ دفاع ٹائمز محفوظ ہیں۔
تمام اشاعت کے جملہ حقوق بحق ادارہ دفاع ٹائمز محفوظ ہیں۔