تازہ ترین
ہم جنگ نہیں چاہتے،بھارت نے جنگ مسلط کی تومنہ توڑجواب دیں گے:وزیراعظم عمران خان کی سینئرصحافیوں سے گفتگو
  9  اگست‬‮  2019     |     پاک دفاع
وزیراعظم عمران خان نے کہاہے کہ ہم جنگ نہیں چاہتے،بھارت نے جنگ مسلط کی تومنہ توڑجواب دیں گے، بھارت مسئلہ کشمیر سے توجہ ہٹانے کیلئے کچھ بھی کرسکتا ہے،کشمیریوں کی ہر سطح پر حمایت جاری رکھیں گے۔بھارت نہتے کشمیریوں پر ظلم کے پہاڑ توڑ رہا ہے،مودی سرکار کو پوری دنیا کے سامنے بے نقاب کریں گے،پوری دنیا کو بتائیں گے کہ مودی سرکار کشمیریوں کی نسل کشی کر رہی ہے۔سینئر صحافیوں سے ملاقات میں گفتگو کرتے ہوئے وزیراعظم نے کہا کہ نریندر مودی ہٹلر کے راستے پر چل نکلا ہے، ایسا لگتا ہے بھارتی حکومت مقبوضہ کشمیر میں نسل کشی کرنا چاہتی ہے ۔ مقبوضہ کشمیر میں بھارتی مظالم کو عالمی سطح پر اٹھائیں گے۔ بھارت نہتے کشمیریوں پر ظلم کے پہاڑ توڑ رہا ہے۔ مودی سرکار کو پوری دنیا کے سامنے بے نقاب کریں گے۔ان کا کہنا تھا کہ مودی سرکار بھی ہٹلر جیسی سوچ کی حامل ہے۔ بھارت مقبوضہ کشمیر کا جغرافیہ بدلنا چاہتا ہے۔ نہتے کشمیریوں پر ہر گزرتے دن کے ساتھ بڑھتے بھارتی مظالم سے اقوام عالم کو آگاہ کریں گے۔عمران خان نے کہا کہ یہ رائے عامہ کی جنگ ہے اور ہم نے یہ جنگ جیتنا ہے لیکن خطرہ ہے کہ بھارت توجہ ہٹانے کے لیے کچھ بھی کر سکتا ہے، ہم جنگ کا راستہ نہیں چاہتے۔ پاکستان کشمیریوں کے حق خود ارادیت کی سفارتی، سیاسی، قومی اور عالمی ہر سطح پر حمایت جاری رکھے گا۔سینئر صحافیوں سے گفتگو میں وزیراعظم عمران خان نے کہا کہ امریکا سمیت پوری دنیا کو بھارتی عزائم سے باخبر رکھ رہے ہیں۔انہوں نے کہا کہ ہمیں بھارتی عزائم کاپہلے سے علم تھا،بھارت مقبوضہ کشمیرمیں عرصہ درازسے قتل وغارت کررہاہے،امکان ہے بھارت پلوامہ طرزکاکوئی ڈرامہ رچاسکتاہے۔ بھارت کے ساتھ حالات کشیدگی کی طرف جارہے ہیں۔عمران خان نے کہا کہ اقوام متحدہ کی سلامتی کونسل میں میں کشمیرکے معاملے کواٹھائیں گے،کشمیرمیں خوف کی فضاہے،لوگوں کے گھر جلائے جا رہے ہیں۔وزیراعظم کا کہنا تھا کہ بھارتی اقدام پر مقبوضہ کشمیر سے ردعمل آئے گا، جب کرفیو اٹھایا جائے گا تو وادی کے اندر سے شدید ردعمل آئے گا، کشمیر کے حوالے سے ہمیں مغربی دنیا میں رائے عامہ ہموار کرنی ہے یہ رائے عامہ کی جنگ ہے جو ہمیں جیتنی ہے اس لیے موجودہ صورتحال میں میڈیا کا کردار بہت اہم ہے۔


 سب سے زیادہ پڑھی جانے والی مقبول خبریں

رابطہ کریں
   
(92) 51 2873311-12
   
تمام اشاعت کے جملہ حقوق بحق ادارہ دفاع ٹائمز محفوظ ہیں۔
تمام اشاعت کے جملہ حقوق بحق ادارہ دفاع ٹائمز محفوظ ہیں۔