تازہ ترین
اسرائیل پر دوسرے روز بھی غزہ سے متعدد راکٹ فائر کئے گئے، کوئی جانی نقصان نہیں ہوا
بھارت کا نام نہاد سیکولر چہرہ بےنقاب ہوگیا، سیکریٹری خارجہ
بھارتی پولیس کی انوکھی مشق
جموں خطے کے مسلم اکثریتی علاقوں میں لوگوں کا بھارتی قبضے کیخلاف خاموش احتجاج
ریئر ایڈمرل زبیر شفیق کمانڈر سینٹرل پنجاب تعینات
  1  جنوری‬‮  1970

میجر جنرل آصف غفور نے کہا ہے کہ ڈی جی آئی ایس پی آر آرمی ایکٹ میں ترامیم کی قیاس آرائیاں غلط ہیں۔ کلبھوشن پر آئی سی جے فیصلے کے اطلاق کیلئے آرمی ایکٹ میں ترامیم کی افواہیں بے بنیاد ہیں۔ معاملے پر کئی قانونی آپشنز زیرغور ہیں۔ آئی سی جے فیصلے کیلئے آرمی ایکٹ میں ترمیم نہیں ہو رہی۔ آئی سی جے فیصلے کے مختلف قانونی پہلوؤں پر غور کیا جا رہا ہے۔ اس معاملے پر حتمی صورتحال سے وقت کے ساتھ آگاہ کیا جائے گا۔
ترجمان دفتر خارجہ ڈاکٹر محمد فیصل نے کہا ہے کہ کلبھوشن یادیو کے حوالے سے کوئی ڈیل نہیں ہو رہی، کلبھوشن سے متعلق فیصلے پاکستانی قوانین کے مطابق ہوں گے، عالمی عدالت کے فیصلے کا احترام کرتے ہیں۔ انہوں نے ہفتہ وار بریفنگ دیتے ہوئے کہا کہ بھارت کی کمر دیوار کے ساتھ لگ چکی، انڈیا کو سمجھ نہیں آ رہی آرٹیکل 370 کے فیصلے سے کیسے باہر نکلیں، مسئلہ کشمیر اقوام متحدہ کی قراردادوں کے مطابق حل ہونا چاہئے ۔ انہوں نے کہا کہ مقبوضہ کشمیر میں مزید 2 کشمیریوں کو شہید کر دیا گیا، عید میلاد النبیۖ کے موقع پر مقبوضہ کشمیر میں اجتماعات پر پابندی کی مذمت کرتے ہیں، درگاہ حضرت بل سمیت متعدد مساجد و خانقاہوں کو عیدمیلاد النبیۖ پر بند کیا گیا۔ترجمان دفتر خارجہ نے مزید کہا بابری مسجد فیصلے کے بعد ہندوستان میں تمام عبادت گاہیں خطرے میں آ گئیں، اس معاملے کو مختلف فورمز پر اٹھائیں گے، بابری مسجد کو اپنا اندرونی معاملہ قرارا دینے کے باوجود وہ او آئی سی کے ایجنڈا پر موجود ہے۔ انہوں نے کہا کہ اپنی سکیورٹی سے غافل نہیں، ایل او سی پر ہونے والی کسی بھی کارروائی کا جواب دینگے۔ انہوں نے کہا حریم شاہ کے دفتر خارجہ داخلے کے معاملے پر معلومات اکٹھی کرلیں، ایسے اقدامات کیے گئے ہیں تا کہ مستقبل میں ایسا واقعہ نہ ہو۔
وزیراعظم عمران خان نے بین الاقوامی مارگلہ ڈائیلاگ کانفرنس سے خطاب کرتے ہوئے کہا کہ یہ جاننا ضروری ہے کہ دنیا میں پاکستان کو کس نظر سے دیکھا جاتا ہے، دہشت گردی کے خلاف جنگ میں پاکستان کو کچھ امداد بھی ملی تھی تاہم ہم نے سبق سیکھا ہے کہ کسی اور جنگ کا حصہ نہیں بننا چاہئے۔ وزیراعظم نے کہا کہ پاکستان نے دہشت گردی کے خلاف جنگ میں صف اول کا کردار ادا کیا، ہم کبھی بھی کسی تنازعے کا حصہ نہیں بنیں گے، مختلف ممالک کے درمیان جاری تنازعوں کو حل کرائیں گے، دہشت گردی کے خلاف جنگ میں پاکستان نے بے پناہ قربانیاں دیں، جنگ میں پاکستان کو بہت نقصان بھی ہوا۔ عمران خان نے کہا کہ امریکا نے جنگ پر کھربوں روپے جھونک دئیے، چین نے ان سالوں میں اپنا فوکس ترقی پر رکھا، چین نے اپنی خارجہ پالیسی تجارت پر مرکوز رکھی، پاکستان کے دیہی علاقے دنیا کے خوبصورت ترین علاقے ہیں، سعودی عرب ہمیشہ پاکستان کی مدد کے لیے پہنچا ہے، ایران ہمارا ہمسایہ اور دوست ملک ہے، کبھی نہیں چاہیں گے سعودی عرب اور ایران تنازع ہو، امریکی صدر نے ایران اور سعودی عرب کے درمیان مصالحت کا کہا ہے۔ انہوں نے کہا کہ امریکی صدر ٹرمپ ہر گز نہیں چاہتے ایران اور سعودی عرب کے درمیان تنازع ہو، چین کی مدد سے آرٹیفشل یونیورسٹی قائم کررہے ہیں، ہمارا سب سے بڑا مسئلہ بھارت ہے، بھارت کی طرف کئی بار دوستی کا ہاتھ بڑھایا، بھارت کے ساتھ کئی بار مسائل حل کرنے کی بھی کوشش کی ہے۔ وزیراعظم نے کہا کہ آج بھارت پر نفرت کا پرچار کرنے والوں کی حکمرانی ہے، نسل پرست اور نفرت کی سیاست ہو تو اس کا نتیجہ خونریزی ہوتا ہے، نازیوں نے بھی سیاست کی بنیاد قوم پرستی پر رکھی تھی، دنیا نے دیکھا کہ نازیوں کی سیاست کا کیا نتیجہ نکلا، آج بھارت میں ہندو بنیاد پرستی کے خلاف کوئی بات نہیں کرسکتا ہے، بھارت میں نسل پرستی کے باعث میڈیا بھی خاموش ہے۔ عمران خان نے کہا کہ نسل پرست بنیاد پرست سیاست کا سب سے بڑا نقصان بھارت کو ہوگا، ہندووتوا نظریے سے سب سے زیادہ نقصان بھارت کو ہوگا، مودی نے کشمیریوں کو دیوار سے لگادیا ہے، مقبوضہ کشمیر میں کرفیو کو 100 دن سے زائد گزر گئے ہیں، مقبوضہ وادی میں 8 لاکھ بھارتی فوجی تعینات ہیں، مقبوضہ وادی میں فوج دہشت کے طور پر رکھی گئی ہے۔ وزیراعظم نے کہا کہ بہت مشکل ہوگیا ہے کہ بھارت کی طرف دوستی کا ہاتھ بڑھائیں، خطے میں امن و استحکام ناگزیر ہے، دنیا کو سمجھنا ہوگا کہ کشمیر کے باعث خطے میں انتہائی کشیدگی ہے۔


ہتھیار
        

تازہ ترین ویڈیو
علاقے
پاک دفاع
علاقے
سپیشل رپورٹس


تمام اشاعت کے جملہ حقوق بحق ادارہ دفاع ٹائمز محفوظ ہیں۔